پَرَي پَڙاڏا ڪَرَي، اَورَي نه آهَي
ڪَمِترِ ڪا ڪاهَي، پَهُچَي هِنَ پَٽِيَ کَي
سر معذوري سسئي
پَڙاڏا = آواز جي موٽ، واڪا، سَڏَ، رڙيون، داهون، ڪوڪون، ڪشالا
اَورَي = ويجهو، نزديڪ، اورتي، هيڏي، هن پاسي
ڪَمِترِ = وِرِلَي، مشڪل
پَٽِيَ = ميدان، پَٽَ ( منزل، مرتبو)
بيت جو پس منظر
~ اهڙي ڪير آ، جيڪا پري يا اوري هوندي ڪشالا ڪري.
~ ڪا ورلي اهڙي هوندي جيڪا هن منزل تي رَسَي.
سمجهاڻي
ڀٽائي سسئيءَ جي ڪردار، جاکوڙ ۽ جدوجهد کي ساراهيو آهي. ڀٽائي چئي ٿو :
سسئيءَ جهڙي دلير. بهادر. ارڏي ۽ اڏول عورت شايد ئي ڪا ٻي هجي. سسئيءَ پنهنجي جان جوکي ۾ وجهي اڪيلي سر پهاڙن جا پنڌ ڪيا آهن، لَڪ لتاڙيا آهن ۽ جبل جهاڳيا آهن. سسئي اڃ ۽ بک برداشت ڪندي پنهنجي محبوب جي قافلي پٺيان، پيرن جي نشانن تي لڳاتار هلندي رهي ٿي.
ڀٽائي شاندار لفظن ۾ کيس ڀيٽا پيش ڪندي چئي ٿو :
سسئي جهڙي سورمي اڄ تائين ڪا پيدا ناهي ٿي ۽ نہ وري ٿيندي جيڪا هن منزل تي پهچي سگهي.
چونڊ، تحقيق ۽ تشريح محترم مظفر منگي صاحب جي ٿورن سان سندس فيسبوڪ وال تان ورتل
____
ڪَمِترِ ڪا ڪاهَي، پَهُچَي هِنَ پَٽِيَ کَي
سر معذوري سسئي
پَڙاڏا = آواز جي موٽ، واڪا، سَڏَ، رڙيون، داهون، ڪوڪون، ڪشالا
اَورَي = ويجهو، نزديڪ، اورتي، هيڏي، هن پاسي
ڪَمِترِ = وِرِلَي، مشڪل
پَٽِيَ = ميدان، پَٽَ ( منزل، مرتبو)
بيت جو پس منظر
~ اهڙي ڪير آ، جيڪا پري يا اوري هوندي ڪشالا ڪري.
~ ڪا ورلي اهڙي هوندي جيڪا هن منزل تي رَسَي.
سمجهاڻي
ڀٽائي سسئيءَ جي ڪردار، جاکوڙ ۽ جدوجهد کي ساراهيو آهي. ڀٽائي چئي ٿو :
سسئيءَ جهڙي دلير. بهادر. ارڏي ۽ اڏول عورت شايد ئي ڪا ٻي هجي. سسئيءَ پنهنجي جان جوکي ۾ وجهي اڪيلي سر پهاڙن جا پنڌ ڪيا آهن، لَڪ لتاڙيا آهن ۽ جبل جهاڳيا آهن. سسئي اڃ ۽ بک برداشت ڪندي پنهنجي محبوب جي قافلي پٺيان، پيرن جي نشانن تي لڳاتار هلندي رهي ٿي.
ڀٽائي شاندار لفظن ۾ کيس ڀيٽا پيش ڪندي چئي ٿو :
سسئي جهڙي سورمي اڄ تائين ڪا پيدا ناهي ٿي ۽ نہ وري ٿيندي جيڪا هن منزل تي پهچي سگهي.
چونڊ، تحقيق ۽ تشريح محترم مظفر منگي صاحب جي ٿورن سان سندس فيسبوڪ وال تان ورتل
____
مظفر منگي جو جنم عظيم تاريخي ۽ ثقافتي اهڃاڻ مهين جي دڙي جي ڪک ۾ اڏيل ٻلهڙيجيءَ جي مهڪ واري چيڪي مٽيءَ ۾ ٿيو. سندن والد محترم استاد سان گڏ لطيف شناس، ليکڪ ۽ ڊرامه نويس هيو. پاڻ جڏهن جوان ٿيو ته بيباڪ صحافي، شاعر، اديب، محقق ۽ ڀٽائيءَ جي پارکو مرحوم هدايت منگيءَ جيڪو سندن وڏو ڀاءُ ٿئي سندن تعليم ۽ تربيت ڪئي.